پاکستان کے ڈاک ٹکٹ

1992ء میں پاکستان کے محکمہ ڈاک نے طبی پودوں کے عنوان سے ڈاک ٹکٹوں کی ایک نئی سیریز کا آغاز کیا تھا۔ اس سیریز کا آٹھواں ڈاک ٹکٹ 28نومبر 2000ء کو جاری ہوا جس پر ملیٹھی کے پودے کی تصویر بنی تھی۔ پانچ روپے مالیت کے اس یادگاری ڈاک ٹکٹ پر اُردو میں ملیٹھی اور انگریزی میں LIQUORICE اورMEDICINAL PLANTS OF PAKISTAN کے الفاظ طبع کیے گئے تھے۔ اس ڈاک ٹکٹ کا ڈیزائن غلام عباس خاصخیلی نے تیار کیا تھا۔