پاکستان کے ڈاک ٹکٹ 6ستمبر1995ء کو یوم دفاع پاکستان کے موقع پرپاکستان کے محکمہ ڈاک نے پاکستان کا سب سے بڑا عسکری اعزاز ’’نشان حیدر‘‘ حاصل کرنے والے سپوتوں کو خراج تحسین پیش کرنے کے لیے ایک نئی سیریز کا آغاز کیا تھاجسے نشان حیدر سیریز کا نام دیا گیاتھا۔ 6ستمبر2000ء کو اس سیریز کے دو مزید ڈاک ٹکٹ جاری کیے گئے جن پرنشان حیدر حاصل کرنے والے دو سپوتوں میجر طفیل محمد شہید اور کیپٹن محمد سرور شہیدکے خوب صورت پورٹریٹ بنے تھے۔ نشان حیدر سیریز کے ان دونوں ڈاک ٹکٹوں کا ڈیزائن معروف مصور آفتاب ظفر نے تیار کیا تھا۔ ان کی مالیت پانچ، پانچ روپے تھی اور ان پرا نگریزی میںMAJOR TUFAIL MUHAMMAD SHAHEED (1914-1958) اور  CAPTAIN MUHAMMAD SARWAR (1910-1948) SHAHEED کے الفاظ تحریر تھے۔